La jornada annadièra dels formators

La jornada annadièra dels formators del CFPO se debanèt al Centre associatiu Jean RICHEPIN, lo dimècres 18 de genièr de 2023 a Clarmont-Ferrand. Per aquesta escasença, qualques-uns de nòstres formators, Léo BROSSY, Bernat GIACOMO, Didier GRANGE e Étienne ROUGIER, atal coma la cargada de formacion, Victoria BOY-MÉRIC, faguèron lo desplaçament.

Per començar aquesta jornada de trabalh per un moment de convivialitat, d’escambi e de partatge sus divèrses subjèctes, un « pichon dejunar » amb cafè e vienoiserias foguèt prepausat a totes los participants. Aquesta jornada aviá per tòca d’escambiar sus diferentas tematicas.

Un primièr punt sus las formacions actualas e aquelas a venir del CFPO foguèt fait. Una reflexion sus l’utilizacion de novèls aisinas permetent de melhorar nòstras formacions seguiguèt. Aquelas novèlas aisinas permetràn una melhora gestion, un melhor escambi entre totas las partidas prenentas, atal coma un melhor seguit de las evaluacions que ja prepausam.

Los projèctes a venir del CFPO faguèron tanben l’objècte d’un grand moment d’escambi. L’idèa de novèlas formacions, de novèlas sessions, novèls estagis o manifestacions foguèt evocada e es a l’estudi actualament.

La jornada, qu’aviá començat per un moment de convivialitat, se deviá logicanament clavar per un darrièr moment convivial. Un repais participatiu foguèt doncas partejat per totes. Al menú: cake salat, charcutariá, macarons, reialhatge e plan d’autras causas ! Un polit moment de partatge auvernhat !

Mercéjam la participacion e l’engatjament de nòstres formators, que nos permeton de prepausar de formacions e d’estagis de qualitat.