Lo CFPO aculhís una novèla cargada de formacion

En setembre de 2022 nòstra cargada de projècte formacion dempuèi decembre de 2021, Lisa GUILMIN, passèt lo flambeu a Victoria BOY-MÉRIC.

« Fasiá 10 ans qu’èri pas tornada a Aurillac e soi ravida d’aquesta presa de pòste novèla. Un nòu començament dins lo Cantal. Farai tot mon possible per conservar e desvolopar las activitats del CFPO per poder far viure la lenga e la cultura occitanas dins la region Auvèrnhe Ròse-Alps.

Un plan grand mercé a Lisa per m’aver transmés tot çò que poguèt pendent lo periòde de transicion e li desiri una granda capitada dins la seguida de son percors professional. Mercéji tanben lo burèu de l’associacion del CFPO per m’aver acordat lor fisança dins aquesta novèla aventura. »

Victoria.