Portrèt 2 : Ernest BERGEZ, una novèla collaboracion amb lo CFPO

Es a travèrs sa passion per la lenga e la cultura auvernhata que Ernest Bergez, apelat tanben Sourdure, a bastit son repertòri musical. Un repertòri al crosament de la modernitat e de la tradicion, que l’a sabut sublimar a sa faiçon. Es doncas a travèrs d’influéncias musicalas multiplas e variadas que compausa sas creacions, e gràcias a aquò s’impausa uèi coma una figura imprescindibla dins lo mond de la musica e lo mond occitan.

A l’escasença d’un estagi que concernís la formacion a la lenga occitana e son ligam amb la musica tradicionala del Massís Central, Ernest Bergez animarà una velada sul tèma « del repertòri tradicional cap a la creacion » lo 18 d’abril que ven de 20h30 a 22h30 a Sant Bonet prèp Riom (63) alprèp dels Brayauds.